စာဖြေဆိုသူကျောင်းသား/ ကျောင်းသူများမှ လိုက်နာရမည့် စည်းကမ်းချက်များ

• စာဖြေဆိုသူများမှ စာမေးပွဲအချိန် မစတင်မီ (၁) နာရီကြိုတင်၍ စာမေးပွဲကျင်းပရာ ခန်းမသို့ ရောက်ရှိနေရမည်။

• နမူနာ Audio Test စတင်သည့်အချိန်မှစ၍ စာမေးပွဲပြီးဆုံးသည်အထိ မည်သည့်အကြောင်းအရင်း တစ်စုံတစ်ရာကြောင့် စာဖြေဆိုသူများ စာမေးပွဲခန်းမသို့ ဝင်ရောက်ခြင်း/ ခန်းမမှ ထွက်ခွာခြင်းများ ခွင့်ပြုမည် မဟုက်ပါ။

• စာဖြေသူဆိုများသည် စာမေးပွဲခန်းမအတွင်းသို့ HB ခဲတံ (သို့မဟုတ်) 2B ခဲတံ ၊ ခဲဖျက် မှ အပ တခြားအရာများအား သယ်ဆောင်ခွင့်မပြုပါ။

• စာမေးပွဲခန်းမအတွင်းသို့ Smart Watch များကို ဝတ်ဆင်ခြင်း၊ သယ်ဆောင်ခြင်းမပြုပါ။

• စာမေးပွဲခန်းမအတွင်းတွင် လက်ကိုင်ဖုန်းများအား ပိတ်ထားရပါမည်။ နှိုးစက်များလည်း ပိတ်ထားရမည်။ ခန်းမအတွင်း ဖုန်းအသံမြည်ခြင်း၊ အသုံးပြုခြင်းများ တွေ့ရှိပါက စာမေးပွဲဆက်လက် ဖြေဆိုရမည် မဟုတ်ပါ။

• အများအမြင်မသင့်လျော်သည့်အဝတ်အစားများအား ဝတ်ဆင်ခြင်းမပြုရ။

• ဂျပန်စာပါသည့်အဝတ်အစားများအား ဝတ်ဆင်ခြင်းမပြုရ။

• စာဖြေဆိုသူများမှ မသမာသောနည်းလမ်းများကို အသုံးပြုခြင်း၊ ပြုလုပ်ခြင်း (သို့မဟုတ်) စာမေးပွဲ ခန်းမထဲသို့ ယူဆောင်လာခြင်း တွေ့ရှိပါက စာမေးပွဲဆက်လက်ဖြေဆိုခွင့်ပြုမည် မဟုတ်ပါ။

• စာမေးပွဲဖြေဆိုခွင့်ကတ်ပြား (Admission Ticket) တွင် နာမည်၊ မွေးသက္ကရာဇ် စသည့် အချက်အလက်များ မှားယွင်းမှုရှိပါက အခန်းစောင့်ဆရာ၊ ဆရာမများအား ပြော၍ ပြင်ဆင်နိုင်ပါသည်။

စာမေးပွဲအောင်လက်မှတ်များ ထုတ်ယူရာတွင် လိုက်နာရမည့် စည်းကမ်းချက်များ

ကိုယ်တိုင်လာရောက်ထုတ်ယူခြင်း

ကိုယ်စားထုတ်ယူခြင်း

• စာဖြေဆိုသူများသည် စာမေးပွဲဖြေဆိုခွင့်ကတ်ပြားနှင့် စာမေးပွဲလျှောက်လွှာဖောင်တင်ချိန် အသုံးပြုခဲ့သည့် သက်သေခံလက်မှတ်အထောက်အထား (မှတ်ပုံတင် (သို့) Passport) ကို မဖြစ်မနေ ယူဆောင်ရပါသည်။

• စာမေးပွဲဖြေဆိုခွင့်ကတ်ပြား ပျောက်ဆုံးပါက မှတ်ပုံတင် မိတ္တူ (၁) စောင် ယူဆောင်လာရပါမည်။

• ကိုယ်စားလာရောက်ထုတ်ယူမည်ဆိုပါက စာဖြေဆိုသူ၏ စာမေးပွဲဖြေဆိုခွင့်ကတ်ပြား၊ မှတ်ပုံတင် မိတ္တူ (၁)စောင် နှင့်အတူ ကိုယ်စားထုတ်ယူသူ၏ မှတ်ပုံတင်မိတ္တူ (၁) စောင် တို့ကို ယူဆောင်လာရ ပါမည်။

• သင်တန်းကျောင်းများအနေဖြင့် သင်တန်းကျောင်းအမည်နှင့် စည်းအမှတ်တံဆိပ် (သို့) Letter Head ပါဝင်သော စာတွင် မိမိထုတ်ယူလိုသော ကျောင်းသားဦးရေ၊ အမည်၊ ခုံနံပါတ်တို့ကို ရေးသား၍ (၂) ရက်စော၍ ကြိုတင်ပေးပို့ရန် လိုအပ်ပါသည်။

မှတ်ချက် ။ ။ စာမေးပွဲရလဒ်များ ထုတ်ယူရာတွင် ဖြေဆိုခဲ့သော စာမေးပွဲခုံအမှတ်ကို မှန်ကန်စွာ သိရှိရန် လိုအပ်ပါသည်။

အထက်ဖော်ပြပါ အချက်အလက်များ မပြည့်စုံပါက အောင်လက်မှတ်နှင့်အမှတ်စာရင်းများ ကို ထုတ်ပေးမည် မဟုတ်ပါ။